Għandi l-għatx!

Iż-żewġ kelmiet qawwija li Ġesù jlissen fuq is-salib “Għandi l-għatx”, illum nisimgħuhom jidwu f’din is-silta mill-Evanġelju skont San Ġwann. Illum, nerġgħu naraw lil Ġesù jinħakem mill-għatx. Dan l-għatx ta’ Kristu jwassal biex il-mara Samaritana, il-protagonista ta’ din is-silta, tinduna hi wkoll li kienet bil-għatx. X’inhu l-għatx ta’ Ġesù? U x’kien il-veru għatx li kellha l-mara Samaritana?

Jolqotni ħafna, f’din is-silta, il-mod kif Ġesù jiltaqa’ ma din il-mara Samaritana b’mod li jista’ jidher aċċidentali….

Ftit ilu għanda kemm iċċelebrajna San Valentinu. Il-bejjiegħa tal-fjuri u tad-deheb huma żgur l-iktar nies li ndunaw b’din il-festa, għaliex kulħadd jieħu l-opportunita’ biex jixtri rigal lill-maħbub jew maħbuba. Imma x’inhu s-sinifikat wara rigal? Jiena naħseb l-iktar messaġġ li joħroġ f’rigal huwa l-imħabba li hemm bejn iż-żewġ persuni li hija frott ta’ relazzjoni bejniethom. F’rigal ħafna drabi noħorġu x-xewqa li din ir-relazzjoni titkompla u tissaħħaħ. Iżda r-relazzjoni ma tissaħħax bir-rigali imma l-iktar bil-preżenza flimkien. Din mhijiex biss mal-persuni ta’…

Fid-diskors tal-Muntanja Ġesu’ jasal f’mument fejn jidħol aktar fil-fond fil-mod kif huwa jħares lejn il-liġi. Għal-Lhud, b’mod speċjali il-Fariżej u l-Kittieba, l-osservanza u l-ħarsien tal-Liġi mgħoddija lilhom minn Mose’ kienet ħaġa meqjusa qaddisa u indispensabbli fil-ħajja reliġjuża tagħhom. Jekk trid turi li inti prattikanti fil-fidi kien meħtieġ li tosserva dak li hemm preskritt fil-liġi kemm jista’ jkun b’mod rigoruż. Fid-diskors tiegħu Ġesu’ żgur li ħasad ferm lill-Kittieba u ‘l-Fariżej, aktar u aktar meta qal: “Xejn la taħsbu li jiena…

Waħda u tajba! – Mt 5, 13-16

“Il-ħajja hi ta’ darba, imma jekk tgħixha tajjeb, darba għandha tkun biżżejjed.” Dan huwa l-eqreb li stajt nasal fit-traduzzjoni għall-Malti ta’ dak li qal il-komiku u kantant Amerikan, Joe E. Lewis. Fl-Evanġelu ta’ din il-ġimgħa, li jkompli ma’ dak li qrajna l-ġimgħa l-oħra, insibu lil Ġesù jitkellem dwar li nkunu “melħ” u dwar kemm l-affarijiet li aħna ngħidu u nagħmlu huma evidenti.

Mhux l-ewwel darba li ngħidu li qed inħossuna aktar neżistu milli ngħixu, li qegħdin…

Ftit tal-ġimgħat ilu, mort f’bazaar ta’ parroċċa biex nara ftit x’kotba kien hemm. Verament ħadt ħafna gost nara kotba ġodda u anke riċenti. Imma laqtuni b’mod partikulari dawk dwar l-ikel – ilkoll nieħdu gost nieklu. U f’dawn il-kotba, bħalma tafu, jkun hemm ir-riċetti ta’ kif tagħmel xi kejk tajjeb, jew xi daqqxejn ħuta/laħam li qatt qabel m’għamilt. Ir-riċetta hija importanti ħafna għax permezz tagħha ser tagħmel id-differenza fl-ikel.

Illum għandna r-riċetta tal-qdusija vera. X’inhi r-riċetta tal-qdusija? Il-profeta Sofonija jgħidilna hekk: “Fittxu…

Ġesu m’għandux kwiet! – Mt 4:12-23

Is-silta tal-Evanġelju tal-lum mhix twila wisq. Madankollu, f’dawn il-ftit versi naraw lil Ġesu jagħmel ħafna affarijiet. Ġesu jterraq fil-Galilija, jgħallem, ifejjaq, u jsejjaħ.

Dak li għamel Ġesu elfejn sena ilu għadu jagħmlu llum ukoll.

L-istedina ta’ Ġesu għall-indiema għadha valida. Aħna lkoll midinbin. Wieħed għaref darba qal li min jaħseb li m’għandux dnub hu ħati ta’ ġudizzju: mhux qed jara d-dnub tiegħu għax mehdi jiġġudika d-dnubiet tal-oħrajn. Illum Ġesu qed jistedinna nagħmlu eżami ta’ kuxjenza biex…

Iċċekken biex jikber Kristu – Ġw 1:29-34

“Hu għalhekk li mmutu, biex inkunu ma’ Alla!” Dan il-ħsieb ta’ San Franġisk de Sales, li jfakkarna dwar il-mewt bħala dik l-esperjenza li rridu ngħaddu lkoll minnha, aħna min aħna, hu ħsieb li fid-dieher m’għandu x’jaqsam xejn mal-Evanġelju tal-lum, li jdur madwar il-figura ta’ Ġwanni l-Għammiedi jistqarr l-identità ta’ min kien fil-qrib tiegħu – il-Ħaruf t’Alla. Inqas u inqas jidher li jgħodd dan il-ħsieb tal-qaddis ta’ Sales dwar il-mewt, meta ftit jiem ilu għadna…