Tiftaħ it-televixin jew il-gazzetta u tara jew taqra dwar qtil ’l hawn u gwerer ’l hemm, serq, sfruttar ta’ persuni, kriminalità u iktar. Iċempillek xi ħadd tal-familja jew tiltaqa’ ma’ xi ħadd li tafu u jirrakkuntalek fuq xi marda jew biċċa inkwiet oħra fil-familja. Tmur ix-xogħol u xi ħadd minn sħabek jiftaħ qalbu miegħek li għandu l-problemi mal-mara jew mar-raġel, jew forsi inkwetat bit-tfal minħabba xi vizzju jew relazzjoni li qiegħda...